Girmaa Taaddasaa Onkoloolessa 27/ 2012
‘Qal’loo muddii sonsaa lemman ija kullee’
Shamarran biyya kee kakaasee hamilee
Ergaa biraas qaba dargaggootaafillee
Kan ofii gatanii laga akka hin ceene
Magaallee darbanii diimtuutti akka hin deemne
Marqaan otoo jiruu goommana akka hin nyaanne
Ija arfan qalloo kuula Dirreedawaa
Badhaadhina sabaa warqee Oromi’aa
Simbira kan boonsu sagalee midhaawaa
Saba dhaggeeffattee aadaa kee qorattee
Goorsa yoo barbaaddes hayyoota iyyaafattee
‘Eenyutu nucaale’ gaaffii guddaa kaaftee
‘Maaf walnyaanna’ jettee fakkeenyaan nutti himtee
Sagalee bareedaan sagalee nuuf taatee
Guurrat’ bade malee taa’ee kan dhaga’u
Hin raatahe malee namni sammuu qabu
Ati yoom dhiifte ree weellisaan barsiisuu
Baldhinni yaada kee galaana ni guuta
Ergaan walaloo kee akka Awaash dheerata
Dukkanatti hin hifa Birraa calaqisaa
Firootaaf hin ho’a diinatti hin dhaamota
Egaa qalbeeffannee atis nuuf jiraadhu
Akeeka keen bullaa badhaadhi guddadhu
Alii urjii baha dhihattis muldhadhu
Kibbattis lalisi kaabattis dubbadhu
Bilisa labsite hawwii kee argadhu
Girmaa Taaddasaa
Onkoloolessa 2012
You can also vist for more
No comments:
Post a Comment