******** MUU JALDEESSA ******** -Walaloo Galaanaa Dheeressaa Irraa

Amajjii 09, 2015

MUU JALDEESSA

***************************

Kuunnoo gama sanaa

ga’eee jira makarri

Ati hojii dheensitaa,

Asumaa raammoo guuri

Ormi obbolaa kee hacuuceet

Kan fedhe keessaa qabata

Of wallaalchisee ka’eet

Bara itti dabarfata

Ati hanga inni deemutti eegdeet

Waan siif dhiise funaanta

Fakkaattiin kee ari’ee qabeet

Qalee, diimina muree nyaata

At’ teessoo kee garagalchiteet

Icciitiisaa gad diigdeet

Lubbuu jala jiru ofitti dhudhaata

Of baqataa halbaadhessa

Sin tuffadhe yaa dabeessa

***** Of hattittii muu jaldeessa *****

Galaanaa Dheeressaa Jootee, 2014 G.C

************************