 |
| Aarif Alii |
Fuulgubbeen kee faayaa
Keeysi kee ziqeeya
Si jaalanna, si faarfanna
Nu ilmaan kee siin boonna.
Biyya too Oromiyaa
Manaacihaa biyyaa
Ati nutti-n-goomtu
Hedduu si jaalanna
Jaalala siin maltu
Sirratti dhalannee
Sirraahi soorannee unannee guddanne
Sirratti ababnee beekkoomsaas qabaanne
Yoomuu Si-n-dagannu
Nu Si-n-irraanfannu
Oromiyaa Oromiyaa
Yaa bareedduu tiyya
Rabbii si badhaasee
si godhe addayyaa
Tuqaa tee –n- dandeenyu ilmaan kee martinuu
Haqa nurraa qabdu yoomuu hindagannu
Oromiyaa Oromiyaa
Yaa badhatuu biyyaa
Hundee jiruu tiyyaa
Siifin jira ani halkaniifi guyyaa
Rabbii si bareeche
Garayyuun si tolchee
Keeysaa fi ala kankee hunda si miidheeyse
Garaa kee nyaq godhee albudaan badhaasee
Biqiltuu adda addaa sirratti magarsee
Mukkeen garagaraa si gubbaa uffisee
Bineeyyii fi beeyladaa sirra bobobbaasee
Laggeen babbalaqoo si keeysaa maddisee
Si gubbaa lolaasee dheebuu ittiin baasee
Masnoo gagabbisee jiruu abdachise
Alhamdulillaahi janna
Galata galfanna
Ajaa’iba Rabbii dachii tee gabbina
Bilqltuu adda addaa achirraa arganna
Garii soora; ittiini jiraanna
Garii qorsa; ittiin wal’aanamna
Garii u’urgaawoo; ittiin urgeeyfanna; ittiin shashaqanna
Kudraafi mudraa garii maqaan dhawa
Mimi’awoo qaama kenyaaf dawaa
Aax, muzaa fi zeytuna
Ambaa, barquuqii fi burtukana
Tuffaaha, afandii ykn Mandarina eeynabaas ni qabnaa
Boqqolloo, mishingaa,
Qamadii fi garbuu esoo fii dagussa
Baaqilaa, daangullee, shumburaa, fasooliyaa
Baaqil, dubbaafi ujuree
Shunkurtaa, baharoo, qullubbiifi qaccee
Kaaroot, hiddiimiifi fujuul
Lakkawamee –n- dhumu
Wanni magarsitu dachiin Oromiyaa
Mataan hin dhukkubin qotee bulaa Kenya
Yaa abbaa oomishaa masnoo lafa tenyaa
Waa xiqqoon dubadha mee waa’ee bineensaa
Beekamaas ni qabnaa oromiyaa keeysaa
Kanneen akka Yayyii ,Lencafii, Qeyransaa
Biyya cufaa dhufaa marti dawii isaa
Wennii fi Qalamee kan akka Jaldeesaa
Arba, Sattawwaafi Harree diida keeysaa
Waan hedduutu jira biyya tenya keeysaa
Hundumti isaatu nama hinaafsisaa
Tanaaf ciisa dhabee diinni ija baasaa
Ilmaan oromiyaa mee na caqasaa
Tuni kunoo dhaamsaa
Akkaan jajjabesaa
Oromiyaa tiysaa
Sagalee Oromiyaatiif
————
* Aarif Alii Dallas irra
Gadaa.com
No comments:
Post a Comment